Былырыын сайын 10 кылаас үөрэнээччитэ Тимофей Степанов Сунтаарга пляжка сөтүөлүү сылдьан, уоллаах аҕаны өлөр өлүүттэн быыһаан, хорсун быһыыны оҥорбута. Бу күннэргэ Тимофей Степановы «Хорсун быһыы иһин» РФ Федеральнай Мунньаҕын мэтээлинэн наҕараадалаатылар.
edersaas.ru
РФ Ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрбитинэн, былырыын бэс ыйыгар Сунтаар сэлиэнньэтин сөтүөлүүр сиригэр Тимофей Степанов ууга тимирэн эрэр дьону көрөөт, өйүн сүтэрбит уолу быыһыыр. Тутатына аны быыһаммыт оҕо аҕатын ууттан таһаарар.
Наҕараадалааһын кэмигэр сулууспа генерал-майора Павел Гарин хорсун уолу тус бэйэтин уонна салалтатын аатыттан махталын тириэртэ.
Билигин Тимофей Намҥа устудьуоннуур.
edersaas.ru
Хаартыска интэриниэттэн.
+1
+1
+1
+1
+1
+1
+1