Сунтаарга Олоҥхо уонна Хомус ыйын чэрчитинэн ыытыллыбыт «Хомус-тайм» куйаар ситиминэн ыытыллыбыт аһаҕас видеоролик күрэһин түмүгэ таҕыста.
Барыта – 17 ролик кыттыыны ылла.
Саамай ыраахтан Казахстан Нурсултан куоратыттан Халиль Бей. Кини хомуһа Бордоҥ ууһун хомуһа. Сахабыт сирин муннуктарыттан саамай ыраах хоту Муома улууһуттан 59 саастаах Юрий Слепцов, Амматтан Сардаана Давыдова, Дьокуускайтан Арияна Доланова кыттыыны ыллылар. Сунтаарбыт улууһуттан Хороттон, Кутанаттан, Элгээйиттэн, Кириэстээхтэн, Толоонтон, Бордоҥтон, Туойдаахтан, Түбэй Дьаархантан кытыннылар. Түмүккэ тыҥааһыннаах киирсии кэннэ Кириэстээх нэһилиэгин олохтоохторо уонна Бордоҥтон “Сардаҥа” фольклорнай ансаамбыл оҕолоро (салайааччы Любовь Петрова) ылан, култуура салалтатын аатыттан 5000 тыһ. солк. туоһу суруктары туттулар. Иккис миэстэҕэ Кутанаттан Олеся Куприянова, үһүскэ Сунтаардааҕы социальнай харалта үлэһиттэрин «Төрүт» хомус ансаамбыла буоллулар. Кинилэргэ сэмэй өйдөбүнньүк бэлэхтэр туттарылыннылар диэн Сунтаартан Мария Кобельянова иһитиннэрдэ.
edersaas.ru