Уопсастыба

Сунтаарга хаарбах туруктаах дьиэлэр боппуруостарынан сүбэ мунньах ыытылынна

Ыам ыйын 18 күнүгэр Сунтаар улууһун Аҕа баһылыга Анатолий Григорьев туһааннаах тэрилтэлэр салайааччыларын көрсөн өрөспүүбүлүкэтээҕи «Переселение граждан из аварийного жилищного фонда на 2019-2025 годы» боппуруоһугар сүбэ мунньах ыытта.

Билиҥҥи туругунан Сунтаар улууһугар бу бырагырааманан Аллыҥа, Кутана уонна Сунтаар нэһилиэктэригэр түөрт дьиэ тутулла турар. Сүбэ мунньахха инникитин Устье нэһилиэгэр Петр Попов дириэктэрдээх  «Сунтарэнерго» тэрилтэ дьиэ тутуутугар «СунтарЦеолит»  пеноцеолит диэн саҥа матырыйаала экспертизаны ааһан лицензия ыллаҕына үлэ ыытары былааннаатылар. Ону таһынан, бу бырагырааманан үлэлиир бэдэрээтчиттэр Анатолий Исаев дириэктэрдээх  «Главстройкомплекс» тэрилтэ уонна Владимир Яковлев дириэктэрдээх «Дабан строй» тэрилтэ кыһалҕалаах боппуруостарга бэйэлэрин туруорсууларын киллэрдилэр.

 

«Сунтаар улууhа (оройуона)» муниципальнай оройуон дьаһалтатын пресс-сулууспата.

0
0