Сунтаар улууһугар РФ Госдууматын депутата Галина Данчикова уонна СӨ Ил Түмэн билимҥэ, үөрэхтээһиҥҥэ, култуураҕа, маассабай информация сириэстибэлэригэр уонна уопсастыбаннай үлэ дьыалаларыгар сис кэмитиэт бэрэссэдээтэлэ Феодосия Габышева кэллилэр.
Атырдьах ыйын 21 күнүгэр, кэлбит бөлөх улуус киинигэр үөрэҕирии уонна доруобуйа харыстабылын социальнай эбийиэктэригэр — РТС түөлбэҕэ 240 миэстэлээх саҥа оҕо саадын дьиэтигэр, быйыл 100 сылларын бэлиэтээбит Сунтаар бастакы детсадыгар «Туллукчааҥҥа», Сунтаардааҕы политехническай лицей-интэринээккэ, тутулла турар бассейн территориятыгар уонна балыыһа эбийиэктэригэр сылдьан салаайааччылары көрүстүлэр.
Бүгүн нэһилиэктэр баһылыктарын уонна улуус актыыбын кытта төгүрүк остуол тула сүбэ мунньах ыытыахтара.
«Сунтаар улууһа (оройуона)» муниципальнай оройуон дьаһалтатын пресс-сулууспата