СӨ Бырабыыталыстыбатын отчуоттуур бөлөҕө түөрт биригээдэҕэ арахсан үлэтин саҕалаата. Бастакы бөлөххө СӨ Бырабыыталыстыбатын бэрэссэдээтэлин бастакы солбуйааччыта, СӨ тыа хаhаайыстыбатын министиэристибэтин уонна ас-үөл бэлиитикэтин миниистирэ П.Н.Алексеев, Сунтаар улууhун аҕа баhылыга А.В.Григорьев, Федерация Сэбиэтин чилиэнэ А.К.Акимов, Ил Түмэн дьокутаата С.М.Березин уонна да атыттар сырыттылар.
edersaas.ru
Бастакы күн оробуочай бөлөх Элгээйи, Кутана, Күүкэй нэhилиэктэринэн сылдьан, олохтоохтору кытары көрүстүлэр. Нэһилиэнньэ оҕо саадын тутуу, саха уонна калмык сүөһүтүн иитии боппуруостарын ыйыталастылар. Улууска кэлиҥҥи сылларга оҕо уһуйааннарын тутуута былаан быһыытынан барар. Вице-премьер Петр Николаевич иһитиннэрбитинэн, 2018 сылга өрөспүүбүлүкэҕэ 53 социальнай эбийиэк, ол иһигэр 25 оҕо саада, 9 оскуола тутуллуохтаах.
Элгээйи олохтоохторо сэлиэнньэҕэ оҕуруот аһалыгын, хортуоппуйу харайар ыскылааты тутар туһунан этии киллэрдилэр. Саха сүөһүтүн элбэтии боппуруоһугар, III-с Бордоҥҥо хаhаайыстыбалаах Василий Львовтан саха сүөһүтүн иитиитинэн дьарыктанарын туһунан кэпсээтилэр.
Бырабыыталыстыба отчуоту улууска үс күнү быһа ыытыллыаҕа. Бары нэһилиэктэр хабыллыахтара.
Тимур Иванов, Сунтаар, edersaas.ru сайтка анаан.