Аҕа дойдуну көмүскээччилэр күннэригэр Г. Саввинов аатынан култуура уонна сынньалаҥ пааркатыгар күүстээхтэргэ-уохтаахтарга, сымсаларга-быһыйдарга VII-с төгүлүн «Боотурдар күрэхтэрэ» тэрилиннэ.
Манна уопсайа биэстии киһилээх алта хамаанда араас көрүҥнэргэ: туут хайыһарынан уонна тоҥ хаар устун сүүрүүгэ, пневматическай бинтиэпкэттэн ытыыга, ону таһынан ыараханы көтөҕүүгэ, хомуур хапсаҕайга уонна канат тардыһыы көрүҥнэрин аастылар.
Күрэхтэһии түмүгүнэн кыайыы өрөгөйүн ситиһэн:
1 миэстэ — Сунтаар нэһилиэгиттэн «Бөрөлөр» хамаанда.
Кыайыылаахтарга 50 000 солк. сертификат.
2 миэстэ — Уһун Күөл нэһилиэгин хамаандата.
Кыайыылаахтарга 30 000 солк. сертификат.
3 миэстэ — «Сунтар TEAM” хомуур хамаанда.
Кыайыылаахтарга 20 000 солк. сертификат.
«Боотурдар күрэхтэрэ» абсолютнай чөмпүйүөн аатын ким ылла?
Күрэххэ кыттыбыт хамаандалартан сэттэ эр хоһуун саха төрүт көрүҥнэригэр: өһөс торбос, тутум эргиир уонна хапсаҕайга күөн көрүстүлэр.
Тыҥааһыннаах киирсии түмүгүнэн кыайыы өрөгөйүн тутан, МР-155 саанан Сунтаар нэһилиэгиттэн Никита Семенов
наҕараадаланна.
Күрэхтэһиини «Сунтаар улууһа (оройуона)» муниципальнай оройуон дьаһалтата, эдэр ыччат бэлиитикэтин салаата, спорт уонна физическэй култуура салаата тэрийэн ыыттылар.
«Сунтаар улууһа (оройуона)» муниципальнай оройуон дьаһалтатын пресс-сулууспата.