Сунтаардар хаарбах туруктаах дьиэлэртэн көһөрүү бырагырааматын олоххо киллэриигэ күүскэ үлэлииллэр. Ааспыт сыллааҕы туругунан улууска 127 хаарбах туруктаах дьиэ докумуонунан бигэргэммитэ.
edersaas.ru
Бу күннэргэ улуус баһылыга Анатолий Григорьев тутуу хаамыытын билсэ таарыйа, эбийиэктэри көрдө-иһиттэ. Быйыл Сунтаар киинигэр 68 кыбартыыралаах биэс мэндиэмэннээх итиэннэ 32 уонна 18 кыбартыыралардаах дьиэлэр тутулла тураллар.
Баһылык көмөлөһөөччүтэ Тимур Иванов «Эдэр саас» сайтка кэпсээбитинэн, А.В.Григорьев салайааччылаах оробуочай бөлөх, ол иһигэр улуус баһылыгын бастакы солбуйааччы Н.П.Александров, баһылыгы экэниэмикэҕэ солбуйааччы М.М.Прокопьев, тутуу управлениятын начаалынньыга А.Э.Сергеев, улуус кылаабынай архитектора И.Н.Николаев, Сунтаар нэһилиэгин баһылыга Э.Е.Филиппов Саха АССР 100 сыллаах үбүлүөйүн чэрчитинэн, элбэх оҕолоох ыалга аналлаах бырагырааманан оҥоһулла турар эбийиэктэригэр сырыттылар.
Анивера АКИМОВА, «Саха сирэ» хаһыат, edersaas.ru