Күн бүгүн биһиги олус үөрэ, астына ааттыыбыт биһиги кэккэбитигэр баар Аҕа дойду улуу сэриитин бэтэрээннэрин, Сунтаар улууһун ытык олохтоохторун Трофим Николаевич Жиркову, Прокопий Афанасьевич Степановы, Софрон Матвеевич Даниловы, Дмитрий Яковлевич Григорьевы, Иппатий Алексеевич Семеновы.
edersaas.ru
Кыайыы күнэ үйэлэргэ умнуллубат. Ааспыт үйэ бастакы аҥаарыгар киһи аймах хаһан да көрсүбэтэх хаан тохтуулаах, алдьархайдаах сэриитэ буолан, биһиги биир дойдулаахтарбыт сэрии толоонугар геройдуу охтубуттара.
Сунтаар улууһун баһылыга Анатолий Григорьев, «Биир ньыгыл Арассыыйа» бэлитиичэскэй баартыйа Сунтаардааҕы исполкомун сэкирэтээрэ Борис Уларов, үөрэх управлениятын салайааччыта Гаврил Еремеев ыам ыйын 8 күнүгэр сэрии кыттыылаахтарын кытары көрсөн эҕэрдэ суруктары уонна сэмэй бэлэхтэри туттардылар.
Тимур Иванов, Сунтаар, edersaas.ru сайтка анаан