Сунтаарга суһал штаб мунньаҕар харыстыыр мааскалары тиктэрэр туһунан боппуруос көрүллүбүтүгэр, урбаанньыттары уонна көхтөөх гражданнары кытары бииргэ үлэлииргэ быһаарыныы ылыныллыбыта.
edersaas.ru
Улуус Аҕа баһылыга Анатолий Григорьев дьаһалынан МАУ «Центр бизнеса» дириэктэрин Мария Саввинова салайыылаах улуус урбаанньыттарын уонна туһааннаах тэрилтэлэр үлэһиттэрин кытта мааска тигиитигэр үлэ барар. Ол курдук «Ыраас эйгэ» тэрилтэлээх урбаанньыт уонна активистар Мария Яковлева, Анастасия Аргылова, Альмира Иванова элбэхтэ туттуллар көмүскүүр мааскалары тигэргэ сакаас ылан саҕалаатылар. Ону таһынан Данагюль Исагалиева уу иҥэрбэт матырыйаалтан бахилалары оҥорон саҕалаата.
Сунтаардааҕы «Кэскил»киин үлэһиттэрэ «Доруобай буолуоҕуҥ» диэн мааска тигиитигэр аһымал акцияны саҕалаатылар. Акцияны биир бастакынан ИП «Н. Горохова» өйөөн матырыйаалынан көмө оҥордо. Социальнай салаа үлэһиттэрэ бу үтүө акцияҕа кыттыһыахтара. Тигиллибит мааскалар элбэх оҕолоох ыалларга уонна кырдьаҕастарга көмө быһыытынан социальнай үлэһиттэринэн тиэрдиллиэхтэрэ.
«Сунтаар улууһа (оройуона)» муниципальнай оройуон дьаһалтатын пресс-сулууспата