Маны аах Уопсастыба

Сунтаарга “Алыптаах мааска” бэстибээл саҕаланна

Ахсынньы 10-11 күннэригэр Сунтаар сэлиэнньэтигэр алтыс төгүлүн ыытыллар“Алыптаах мааска” норуот тыйаатырдарын бэстибээлэ буола турар. Ону тэҥэ, Владимир Николаев аатынан Сунтаардааҕы норуот тыйаатырын 60 сылын бэлиэтииллэр.

Режиссер Юрий Очосов ааптардаах өрөспүүбүлүкэтээҕи таһымнаах тэрээһин Сунтаарга номнуо үһүс төгүлүн тэриллэр. Бу бэстибээл норуот тыйаатырдарын өйүүр, түмэр, кинилэр айымньыларын дьоҥҥо-сэргэҕэ тиэрдэр, сырдатар сыаллаах ыытыллар.

Манна Саха сирин араас муннуктарыттан норуот тыйаатырдара кэлэн, искусство эйгэтин умнуллубат түгэннэрин бэлэхтииллэр. Ол курдук, Хаҥаластан Күөрдэмнээҕи норуот тыйаатыра, Өктөмнөөҕү норуот тыйаатыра, Ньурбаттан Дьаарханнааҕы норуодунай куукула тыйаатыра, Антоновкатааҕы норуот тыйаатыра, Мэҥэ Хаҥаластан Майатааҕы Д.Ходулов аатынан норуот тыйаатыра, Аллараа Бэстээхтээҕи норуот тыйаатыра, Үөһээ Бүлүүттэн Ботулуутааҕы норуот тыйаатыра, Амматтан Абаҕатааҕы норуот тыйаатыра кэлэн, олус интэриэһинэй испэктээкиллэри көрөөччүлэргэ бэлэхтиэхтэрэ. Онон, Сунтаарга бу күннэргэ култуурунай олох оргуйан олорор!

Норуоттан тахсар талааннар култуура сайдыытыгар бэйэлэрин кылааттарын киллэрэллэр, тыйаатыр диэн өйдөбүлү биэрэллэр, кэрэ эйгэтигэр сыһыараллар.

“Алыптаах мааска” бэстибээл тосхоло:
Ахсынньы 10 күнэ
11:00-12:00 «Сэрии тыйыс тыына» испэктээк
ил — Күөрдэмнээҕи норуот тыйаатыра, Хаҥалас.
12:30-13:30 «Кыыс Дьуурайа бухатыыр» испэктээк
ил — Дьаарханнааҕы норуодунай куукула тыйаатыра, Ньурба.
16:30-17:50 «Иннэ үүтүнэн» испэктээк
ил — Ботулуу норуот тыйаатыра.
19:00 «Алыптаах мааска» VI-с өрөспүүбүлүкэтээҕи норуот тыйаатырдарын көрүү-күрэс аһыллыыта.

Ахсынньы 11 күнэ
11:00-12:00 «Ойуун түүлэ» испэктээк
ил — «Айуу-чэ» Антоновкатаҕы норуот тыйаатыра, Ньурба.
12:30-13:30 «Ытык иэс» испэктээк
ил — Майатааҕы Д.Ходулов аатынан норуот тыйаатыра, Мэҥэ Хаҥалас.
14:30-15:30 «Ылааҥыттан дьыбарга», «Сыккыс»
Аллараа Бэстээхтээҕи норуот тыйаатыра, Мэҥэ Хаҥалас.
16:00-17:00 «Кийиит» испэктээк
ил, Өктөмнөөҕү норуот тыйаатыра, Хаҥалас.
17:30-18:50 «Саллаат дьылҕата»
Абаҕатааҕы норуот тыйаатыра, Амма.
20:00 «Алыптаах мааска» VI-с өрөспүүбүлүкэтээҕи норуот тыйаатырдарын көрүү-күрэс түмүгэ.

Ангелина Васильева, “Саха сирэ” хаһыат, edersaas.ru

Хаартыскаҕа: «Алыптаах мааска» урукку түгэннэриттэн. rdnt.ykt.ru

0
0
Telegram Whatsapp