Сунтаарга аҕам саастаахтарга оттук маһынан көмөлөстүлэр

Бөлөххө киир:

Сунтаарга  «Үтүө дьыаланы оҥоруу» сылынан сибээстээн, «Биир ньыгыл Арассыыйа» баартыйа чилиэннэрэ  аҕам саастаах үлэ,  тыыл бэтэрээннэригэр, элбэх оҕолоох уонна соҕотоҕун олорор ыал ийэлэригэр оттук маһынан көмөлөстүлэр.


Субуотунньукка улуус Аҕа баһылыга Анатолий Григорьев, баһылык солбуйааччылара, улуус дьаһалтатын эр дьонун үлэһиттэрэ, тэрилтэ салайааччылара, олохтоох баартыйа политсэбиэтин, ситэриилээх кэмитиэтин чилиэттэрэ, «Эдэр гвардия» чилиэттэрэ, эдэр ыччат, барыта 38 эр киһи  күргүөмүнэн тахсан, үс биригээдэнэн арахсан, мас суулларан, эрбэтэн, тутатына туһааннаах аадырыстарыгар тиэйэн  истилэр. Эр дьон сибиэһэй салгыҥҥа сылдьан, күннээҕи түбүктэн аралдьыйан, быыһыгар интэриэһинэй күрэххэ кыттан, кыайа-хото үлэлээн сүргэлэрэ көтөҕүлүннэ. Ол курдук, ким элбэх маһы суулларбыкка, түргэн кэм иһинэн мас хайыппыкка, модьу чуурканы ыраах бырахпыкка бастыҥнар талыллан мэтээллэринэн наҕараадаланнылар.
Субуотунньук кыттыылаахтара кыһалҕалаах дьоҥҥо үөрэ-көтө көмөлөһөн, дуоһуйа үлэлээн-хамсаан, сылайбыттарын билбэккэ тарҕастылар.

Сунтаар улууһун дьаһалтатын пресс-сулууспата

+1
0
+1
0
+1
0
+1
0
+1
0
+1
0
+1
0