Бүгүн, балаҕан ыйын 22 күнүгэр, СӨ Ил Дархана Айсен Николаев Сунтаар улууһугар үлэлии сылдьар.
edersaas.ru
Ил Дархан Cунтаар сэлиэнньэтигэр тиийээт, тутулла турар уһуйаан дьиэтигэр сырытта. Бу эбийиэк «Демография» национальнай уонна «Дьахтар дьарыктаах буолуутун, оскуола иннинээҕи саастаах оҕолорго усулуобуйа тэрийии» федеральнай бырайыактар чэрчилэринэн тутулла турар.
Үс этээстээх уһуйаан федеральнай, өрөспүүбүлүкэ уонна улуус бүддьүөтүттэн үбүлэннэ.
Эбийиэги тутар тэрилтэ бэрэстэбиитэлэ: «Билигин эбийиэк тас өттүн оҥоро сылдьабыт, тутуу матырыйаала барыта баар. Күнтэн, ардахтан хаххалыыр тутуулары, канализация тас өттүн оҥоробут”, — диэн эттэ.
Пандемиянан сибээстээн тутуу болдьохтон хаалан иһэр, ол эрээри тутааччылар үлэлэрин түргэтэтэн, эбийиэги бу сыл бүтүүтүгэр туттарар былааннаахтар.
СӨ Ил Дарханын уонна Бырабыыталыстыбатын пресс-сулууспата.