Сунтаар нэһилиэгин ытыктанар ыала Матрена Егоровна уонна Валентин Петрович Андреевтар сарын сарыннарыттан өйөнсөн ыал буолан олорбуттара 50 сыллара туолла.
Улуус «Кыһыл көмүс» кинигэтигэр киирэр үөрүүлээх кэрэ-бэлиэ түгэннэринэн улуустааҕы уонна олохтоох дьаһалта социальнай салаатын исписэлиистэрэ Тамара Иванова уонна Надежда Иванова итии-истиҥ эҕэрдэ анаатылар.
Матрена Егоровна өр сылларга эҥкилэ суох улууспут үүнэр көлүөнэ кэнэҕэски ыччатын ииппитэ-такайбыта. Валентин Петрович сүрдээх уустук улахан эппиэтинэһи эрэйэр Сунтаардааҕы РЭС тэрилтэтигэр электромонтерунан үлэлээбитэ. Кинилэр үс оҕо амарах төрөппүттэрэ, элбэх сиэн оҕо эйэҕэс эбээтэ, эһээтэ буолаллар.
«Сунтаар улууhа (оройуона)» муниципальнай оройуон дьаһалтатын пресс – сулууспата.
+1
+1
+1
+1
+1
+1
+1