Атырдьах ыйын 5 күнүгэр Сунтаар улууһун баһылыга Анатолий Григорьев, улуус баһылыгын бастакы солбуйааччы Николай Александров, улуустааҕы тутуу комплексын управлениетын салайааччытын солбуйааччы Дмитрий Саввинов, улууспут киинигэр бара турар тутуу үлэтин көрдүлэр-иһиттилэр. Тустаах эппиэтинэстээх эбийиэктэр салайааччыларын көрсөн үлэ хаамыытын, хаачыстыбатын билистилэр.
edersaas.ru
“Главстрой” ХЭУо ыытар объектарын, Октябрьскай уулуссаҕа салгыы бетоннааһын үлэтэ саҕаламмытын, нэһилиэк киинигэр турар 5 этээстээх дьиэ ис, тас өттүгэр үлэ барарын уонна хаарбах дьиэлэртэн көһөрүү федеральнай программа чэрчитинэн элбэх квартиралаах дьиэ тутуутун билистилэр.
«Дабаан Строй» ХЭУо салайааччыта Владимир Яковлев, “Бартыһаан” түөлбэтигэр ыытар элбэх квартиралаах таас дьиэ тутуутун көрдөрдө. Эбийиэккэ өрөспүүбүлүкэ араас улуустарыттан кэлбит 23 дьон үлэлиир. Былаанынан дьиэ эһиил үлэҕэ киириэхтээх. Салгыы бөлөх производственнай сыах үлэтин билистэ. Сыах дьиэ тутар блоктарын оҥорон таһаарар уонна тутуу объектарын хааччыйар.
«Сунтаар улууhа (оройуона)» МО дьаһалтатын пресс-сулууспата.
+1
+1
+1
+1
+1
+1
+1