Сэтинньи 18 күнүгэр Сунтаар улууһун Аҕа баһылыга Анатолий Григорьев, тутуу комплексын управлениетын салайааччыта Иван Егоров уонна тутуу салаатын исписэлиистэрэ Артур Ефимов уонна Борис Герасимов “РТС” түөлбэҕэ 240 миэстэлээх «Солнышко» оҕо саадыгар сылдьан үлэһиттэри көрсөн эбийиэккэ барбыт үлэ хаамыытын билистилэр.
Билигин эбийиэккэ Сос Баржепетян салайар биригээдэҕэ ис, тас үлэлэргэ уопсайа 55 киһи үлэлии-хамсыы сылдьар, онно эбии өссө үлэһит ахсаанын эбэргэ сорудахтанна. Үс этээскэ барытыгар ититии ситимэ киирэн турар, дьиэ тас эркинин бүрүйүүгэ үлэ ыытыллар. Ис өттүгэр штукатурдар истиэнэлэри сыбааһын үлэтигэр киирбиттэр.
«Сунтаар улууhа (оройуона)» муниципальнай оройуон дьаһалтатын пресс – сулууспата.
+1
+1
+1
+1
+1
+1
+1