Сунтаарга 1600 вакцина кэлэрэ күүтүллэр
Олох-дьаһах

Сунтаарга 1600 вакцина кэлэрэ күүтүллэр

Тохсунньу 12 күнүгэр  СӨ үрдүнэн кииннэммит суһал ыстаап  чилиэттэрэ уонна улуустар дьаҥ ыарыытын утары охсуһууга сүбэ мунньах ыыттылар.

Сүбэ мунньахха СӨ Ил Дархана Айсен Николаев улуустар аҕа баһылыктарыгар дьон элбэх сылдьар сиригэр, тэрилтэлэргэ Роспотребнадзор дьаһалынан бэйэни харыстанар миэрэлэри тутуһары ирдииргэ болҕомтону мөлтөппөтү сорудахтаата.
Сунтаар  улууһугар сыл бастакы кыбартаалыгар хоруона хамсык утары 1600 вакцина кэлэрэ күүтүллэр. Онно балыыһаттан  ураты өссө атын пууну тэрийиэхтэрэ уонна  быһыыны биэрии  кэмигэр анкетирование оҥорооһунугар волонтердары көмөҕө ыҥырыахтара.
Улуустааҕы суһал ыстаап чилиэттэрэ ыарыы турбут кэмигэр   үгэс буолбут кириһиэнньэтээҕи сөтүөнү тохтоторго диэн быһаарыныы ыллылар.

Сунтаардааҕы суһал ыстаап  пресс-сулууспата.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

пять + 1 =