Быйыл ыам ыйыгар Сунтаар улууһун Г.Е.Чолбодуков аатынан Кэмпэндээйитээҕи куруорт (санаторий) тэриллибитэ лоп курдук 100 сылын туолар.
Бу бэлиэ түгэни тэрийэн ыытарга улуустааҕы хамыыһыйа тэрилиннэ. Хамыыһыйа бастакы сүбэ мунньаҕа буолан ааста. Мунньаҕы улуус баһылыгын социальнай уонна имиджевэй бэлиитикэҕэ солбуйааччы Гаврил Еремеев салайан ыытта. Кэмпэндээйигэ 1921 сыл ыам ыйыгар быраас Александр Потапов салайааччылаах Саха сиригэр бастакы грязелечебница аһыллан үлэлээн барбыта. Санаторий бэйэтин үлэтин, биллэр биричиинэнэн, арай, Аҕа дойду Улуу сэриитин кэмигэр тохтото сылдьыбыт. Бэс, тиит ортотугар тутуллубут санаторийга бу сыллар устата төһөлөөх киһи кэлэн эмтэнэн доруобуйаларын тупсарыммыттарын ким ааҕан ситиэй.
Манна сүрүннээн ревматизмы, остеохондроһу, невриты, ангинаны, полиартриты, араас хабааннаах эт-хаан эчэйиилэрин, дьахтар ыарыыларын о.д.а. Оннооҕор сатаан оҕоломмот дьахталлар кэлэн эмтэнэн, ийэ буолар дьолун билбиттэр да үгүстэр. Салгына ырааһа эмиэ үтүө түмүгү биэрэн эрдэҕэ. Ыарыһахтар сүрүннээн Мохсоҕоллоох күөлүн эмтээх бадараанынан эмтэнэллэр. Үбүлүөйү көрсө кинигэни таһаарыы уонна документальнай киинэни устуу былааннанар. Бириэмэ ыгымынан үлэ тэтимнээхтик барыахтаах диэн этилиннэ. Кэмпэндээйилэр бэйэлэрэ үөрүүлээх тэрээһини нэһилиэктэрин ыһыаҕар – бэс ыйын 27 күнүгэр ыытыахтарын былаанныыллар.
Гаврил АНДРЕЕВ, Сунтаар
Хаартыска http://ulus.media
+1
+1
+1
+1
+1
+1
+1