Бу күннэргэ Сунтаар улууһун баһылыга Анатолий Григорьев, Дьарыктаах буолуу киинин салайааччыта Александр Николаев «АЛРОСА» тэрилтэлэригэр сылдьан саламталарын кытары, ол иһигэр «АЛРОСА» толорооччу дириэктэрин И.В.Соболевы, Удачнайдааҕы ХБК салайааччытын А.Ф.Махрачевы уонна Айхаллааҕы ХБК, МУАД салайааччыларын кытары көрүстүлэр.
edersaas.ru, Мария Кобельянова
Быйыл Саха сиригэр бастакы алмаас булуллубута 70 сыллаах үбүлүөйүн тула уонна улууспут дьонун үлэнэн хааччыйар, быстах кэмҥэ үлэлиир дьоммут уһун болдьоххо үлэлииллэрин курдук кэпсэтиилэри ыыттылар. Үөһээ Муунаҕа тиийэн биир дойдулаахтарбыт хайдах үлэлии сылдьалларын, олорор усулуобуйаларын көрдүлэр.
Үлэ дьаарбаҥкатын нөҥүө барбыт дьоммут, үлэ-хамнас, олох-дьаһах үчүгэй диэн үөрүүлэрин үллэһиннилэр.
Мария Кобельянова, edersaas.ru саайтка анаан
+1
+1
+1
+1
+1
+1
+1