Сунтаардар ыһыыны саҕалаатылар
Олох-дьаһах

Сунтаардар ыһыыны саҕалаатылар

«Кириэстээх» кэпэрэтиип сиргэ күүскэ үлэлээн, сүөһү аһылыгын бааһынаттан хааччыйар соругу туруорунар. Онон, ыһыы үлэтин ыам ыйын 25 күнүттэн саҕалаата. Хаһаайыстыба быйыл Улахан Табаҕа бааһынатыгар эбиэһи 600 гектарга күөхтүү хомуйарга, 150 гектарга сиилэскэ анаан ыһар былааннаах, ону таһынан 150 гектарга дьэчимиэни ыһар соруктаах.

Светлана Ксенофонтова, кэпэрэтиип кылаабынай агронома, Москватааҕы Тимирязев аатынан академия магистрана:

Сииги куоттарбат туһуттан мэхэньисээтэрдэр, урукку сыллартан үлэлиир уопуттаах 17 киһи, икки симиэнэнэн үлэлииргэ быһаарыннылар. Билигин бааһынаҕа икки «Т-150» тыраахтары кытары быйыл атыылаһыллыбыт «МТЗ-1523», былырыын ылыллыбыт биир «МТЗ-1221», икки «МТЗ-82» үлэлииллэр, сиэмэ бурдугу уонна уоҕурдууну таһарга үс «МТЗ-82» бырысыаптаах тыраахтардар сүүрэллэр. Маны таһынан, бурдугу ыһар икки «Агратор» комплекс, сэттэ миэтэрэни хабар «Мегадиск-7200» мааркалаах үс ыарахан диискэ, түөрт миэтэрэни хабар «Дискомастер-4,2» уо.д.а. тиэхиньикэ бааһынаҕа таҕыстылар. Үрдүк үүнүүнү ыларга бөҕө бүтэй наада. Ол иһин Улахан Табаҕаҕа 10 км усталаах бүтэй тутуллуоҕа. Кыра Табаҕа бааһынатыгар 250 гектарга сиилэс, ол иһигэр 200 гектарга эбиэс, 50 гектарга подсолнух ыһыллыаҕа. Аҕыйах хонуктааҕыта Татарстантан ыһыы агрегаттарын оҥорор собуот тутаах отделын салайааччыта Сергей Соловьян кэлэн, саҥа атыылаһан аҕалбыт тиэхиньикэлэрбитин таҥан, оҕунуохтаан, бэлэмнээн биэрдэ. Сайын 350 гектарга ыраас паар оҥоһуллуоҕа, күһүн, хомуур кэнниттэн, 300 гектар сир хорутуллуоҕа. Онон, Куокуну отделениетыгар быйыл барыта 1 тыһ. 750 гектар бааһынаҕа үлэлиэхпит.

Екатерина Захарова, Саха сирэ» edersaas.ru

3
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

1 × пять =