Сунтаардааҕы киин балыыһаҕа вакцинаны харайар тэрили атыылаһыыга көмөлөстүлэр
Сунтаардааҕы киин балыыһа ыраах нэһилиэктэргэ вакцина тымныы усулуобуйаҕа хараллан тиийиэхтээҕинэн ыарахаттары көрсүбүттэрэ.
— Сунтаар улууһун нэһилиэнньэтигэр коронавирус утары маассабай вакцинацияны ыытарбытыгар, түргэн кэмҥэ быһыыны харайар холодильниктар наада буолбуттара. Ону туоратарга 2 портативнай, массыынаҕа холбонор дьоҕус холодильниктары ыларга Сунтаар улууһун дьаһалтатын профсойууһа уонна улуус үөрэҕирии управлениета күүс-көмө буолбуттара. Онон кинилэргэ улахан махталбытын тиэрдэбит! Ол курдук бэрт кылгас кэм иһигэр 36 350 солк. киирдэ. Бу хомуллубут харчы сыаналаах дьоҕус аппарааттары ыларга көмө буолла.
Билигин биһиэхэ ыраах сытар быраас амбулаторияларга баар быһыыны биэрэр пууннарга вакцина ирдэбилгэ эппиэттээн тиийэр кыахтанна, — диэн Сунтаар киин балыыһата махталын тириэртэ.
edersaas.ru