Бэҕэһээ, кулун тутар 31 күнүгэр, улуус дьаһалтатын актовай саалатыгар быйыл бастакытын төгүрүк остуол тула нэһилиэк баһылыктарын сүбэ мунньаҕа буолла.
Мунньахха туһааннаах салаалартан тыа хаһаайыстыбатыгар сааскы ыһыыга бэлэмнэнии үлэтин, бырамыысыланнаска кытаанах коммунальнай бөҕү тоҕор полигоннар боппуруостарын дьүүллэстилэр. Надзорнай органнар өттүлэриттэн ыксаллаах быһыыга-майгыга быйылгы дьылга баһаартан сэрэхтээх буолууга, ону таһынан нэһилиэктэринэн оттуур ходуһа уонна бааһына сирдэрин бас билиигэ, нэһилиэнньэ дьарыктаах буолуутугар босуобуйа кээмэйигэр туох саҥа уларыйыылар киирбиттэрин торумнаатылар.
Сунтаар улууһун Аҕа баһылыга Анатолий Григорьев быйыл үтүө дьыала оҥорооччу сылыгар нэһилиэк аайы элбэх далааһыннаах үлэ бара турарын бэлиэтээтэ уонна итиннэ салгыы түмсүүлээхтик үлэлииргэ ыҥырда, ону сэргэ нэһилиэктэр бэйэлэрин былааннаммыт бүддьүөттэригэр эбии федеральнай уонна өрөспүүбүлүкэтээҕи программаларга, ППМИ бырайыактарыгар улахан болҕомто ууран үлэлиири соруйда.
«Сунтаар улууһа (оройуона)» муниципальнай оройуон дьаһалтатын пресс-сулууспата.