Бэс ыйын 6 күнүн, сарсыарда 08.00 чаастааҕы туругунан, өрөспүүбүлүкэ территориятыгар түөрт баһаар Өлүөхүмэ, Сунтаар, Ленскэй уонна Өймөкөөн улуустарыгар бэлиэтэннэ.
Бүгүҥҥү туругунан Сунтаар улууһугар биир ойуур баһаара бохсулунна.
Өлүөхүмэ улууһун Чапаевотыттан 8,3 км сиргэ ойуур баһаарын умуруорууга 32 парашютист-десантник, ойуур харыстабылын 24 үлэһитэ, ЫБММ биир сотруднига, үс мобилизацияламмыт киһи уонна биэс техника үлэлиир.
Сунтаар улууһун Тэҥкэтиттэн 10,3 км сиргэ 2,5 га сиргэ уот турда. Уоту утары охсуһууга 41 парашютист-десантник, ойуур харыстабылын 1 сотруднига уонна алта олохтоох киһи үлэлиир.
Ленскэй уонна Өймөкөөн улуустарыгар хонтуруолланар зонаҕа уопсайа 92 га иэннээх баһаардар бааллар. Уоту умуруорууга парашютист-десантниктар үлэлииллэр.
Ааспыт сууккаҕа Сунтаар уонна Өймөкөөн улуустарыгар икки уоту умуруордулар диэн Суһал ыстаап иһитиннэрдэ.
edersaas.ru