Сунтаар улууһугар сыл түмүгүнэн тыа хаһаайыстыбатын бастыҥ үлэһиттэрин чиэстээтилэр

Бөлөххө киир:

Сунтаар улууһугар сүөһү-сылгы иитиитигэр, өлгөм үүнүүнү ылыыга, бэйэ бородууксуйатын оҥорон таһаарыыга үлэлии-хамсыы сылдьар тыа сирин туруу үлэһит дьонун бу күннэргэ  улуус Аҕа баһылыга Анатолий Григорьев эҕэрдэлээтэ.

Тэрээһин үөрүүлээх чааһыгар “СӨ агропромышленнай комплексын бочуоттаах үлэһитэ” аат “Кириэстээх” тыа хаһаайыстыбатын производственнай кооперативын тырахтарыыһыгар Владимир Торопка иҥэрилиннэ.
“Саха сирин тыатын хаһаайыстыбатын бэтэрээнэ” бочуоттаах бэлиэлэри “Уйгу” ТХПК бэрэссэдээтэлигэр Людмила Львоваҕа, үлэ бэтэрээнигэр Василий Ивановка уонна үлэ бэтэрээнигэр Татьяна Канаеваҕа туттарылыннылар.

“Бочуоттаах наставник” анал бэлиэни “Кириэстээх” ТХПК ыанньыксытыгар, Үлэ Кыһыл Знамята уордьан толору кавалерыгар, “Хотугу Сулус” уордьан кавалерыгар, СӨ норуотун хаһаайыстыбатын үтүөлээх үлэһитэ Владимир Михайловка туттарылынна.

“СӨ тыатын хаһаайыстыбатын туйгуна” бэлиэлэринэн “Сырдык Аартык” ТХПК старшай ыанньыксыта Саргылаана Алексеева, “Кириэстээх” ТХПК Куокуну отделениетын механизатора Григорий Гоголев, “Кириэстээх” ТХПК механизатора Март Дорофеев, “Игнатьев” бааһынай фермерскэй хаһаайыстыба баһылыга Павел Игнатьев, “Кириэстээх” ТХПК Куокунутааҕы отделениетын бухгалтера Ульяна Константинова, “Семенов” бааһынай фермерскэй хаһаайыстыба баһылыга Станислав Семенов уонна “Хочо” МУП кылаабынай бухгалтера Мария Филиппова наҕараадаланнылар.

“СӨ ас-үөл бырамыысыланнаһын туйгуна” бэлиэни “Благо 8” ТХПОК салайааччытыгар Римма Семеноваҕа туттарылынна.

“СӨ сылгы иитиитэ сайдыытыгар кылаатын иһин” түөскэ кэтиллэр бэлиэнэн “Сунтаар нэһилиэгэ” муниципальнай тэриллии сылгы иитиитин уонна ат спордун тренера Николай Павлов наҕараадаланна.

Тыа сирин сайдыытыгар тус кылааттарын иһин хоһуун үлэһит дьоммутугар СӨ Тыатын хаһаайыстыбатын министиэристибэтин Махтал суруктарын, “Сунтаар улууһун тыатын хаһаайыстыбатын сайдыытыгар кылаатын иһин” бэлиэлэрин уонна махтал суруктара туттарылынна

«Сунтаар улууhа (оройуона)» муниципальнай оройуон дьаһалтатын пресс – сулууспата

+1
0
+1
0
+1
0
+1
0
+1
0
+1
0
+1
0