Сунтаар улууһугар муммут киһини буллулар

Ааптар: 
Бөлөххө киир:

Атырдьах ыйын 14 күнүгэр СӨ Быыһыыр сулууспатыгар Сунтаар улууһугар  аҕам саастаах киһи сүппүтүн туһунан иһитиннэрии киирбитэ.

Ол курдук,  саастаах киһи уолун кытары Күүкэйтэн 10 км сиргэ оттуу барбыт. Нөҥүө күнүгэр, атырдьах ыйын 13 күнүгэр, оттуур сириттэн  2 км сиргэ сылгы базатыгар барбыт. Ол гынан баран мунан, тиийиэхтээх сиригэр тиийбэтэх.

Быыһыыр сулууспаҕа сүппүт киһи туһунан иһитиннэрии киирээтин кытары, тута быыһыыр-көрдүүр үлэлэр ыытыллыбыттар. Уопсайа 25 киһи уонна 4 техника быыһыыр-көрдүүр үлэҕэ кыттыбыт.

Бэҕэһээ, атырдьах ыйын 15 күнүгэр, быыһааччылар уонна олохтоох дьон  вездеходунан сылдьан муммут эр киһини Күүкэйтэн 12 км сиргэ буллулар. Эр киһи доруобуйата этэҥҥэ диэн Быыһыыр сулууспа пресс-сулууспата иһитиннэрдэ.

edersaas.ru

+1
0
+1
0
+1
0
+1
0
+1
0
+1
0
+1
0