Сунтаар улууһугар бааһыналары сөргүтэллэр

Бөлөххө киир:

Бэс ыйын 5 күнүгэр улуус Аҕа баһылыга Анатолий Григорьев, Сунтаар нэһилиэгин баһылыга Эдуард Филиппов, тыа хаһаайыстыбатын управлениетын салайааччыта Иван Тихонов уонна туһааннаах  исписэлиистэр  улууспут киинигэр баар бааһыналарга сырыттылар.

edersaas.ru

Холкуос саҕаттан быраҕыллан турбут бааһыналары сөргүтэн, чөлүгэр түһэрэн ыһыы  үлэтин ыытар инникитин сайдар кэскиллээҕин анаан үөрэтэн көрөн баран, ТХПК «Кириэстээх» бэрэссэдээтэлэ Владимир Егоров көҕүлээһининэн алта бааһынай хаһаайыстыбалаах дьону түмэн, тиэхиньикэнэн көмөлөһөн  бөдөҥсүтэн үлэлииргэ Николаев, Ананьев, Лонкур, Петров, Филиппов уонна ТХПК «Кириэстээх» буолан 2015 сылга «Достижение» диэн кээпэрэтип тэриммиттэр. Кэпэрэтиип толорооччу  дириэктэрэ Ольга Григорьева иһитиннэрбитинэн, былырыын Килээбий, Тураҕас уонна Хатырҕан сирдэрин уопсайа 150 га сир паардаммыт. Быйыл 220 га сиргэ эбиэс, күһүн 85 га сиргэ өр сыллааҕы от ыһар былааннаахтар.


220 га сиргэ өр сыллаах оту ыһыынан дьарыгырбыттар. Дорбой, Кураанах Атах, Бытый, Ипподром буолаларыгар ыһыы түмүктэнэн билигин Килээбий буолатыгар  киирсибиттэр. Былырыын 150 га сир паарданан, быйыл эбии 70 га былаанныыллар. Килэбий, Дьэбэрэлээх уонна Хатырҕан сирдэригэр күрүөлээһини былаанныыллар.
Эдэр дьон тыа сиригэр көһөн кэлэн олохсуйан, тыа хаһаайыстыбатынан дьарыктаналлара хайҕабыллаах суол. Ол курдук, бааһынай хаһаайыстыбалаах Андрей Филиппов 1 га буолаҕа Куокунуттан тиэйэн аҕалан хортуоппуй олордубут, инникитин кэҥэтэр сыаллаах. СӨ тыатын хаһаайыстыбатын гранын ылан 20х10 иэннээх аныгы матырыйаалынан каркаснай сибиинньэ иитэр комплексы туттан, аҥаарын оҕуруот аһын уурар сир оҥороору былаанныыр. Улуус дьаһалтатыттан эдэр фермерга дьиэ туттарга гран көрүллэн саҥа дьиэ тутта сылдьар. Билигин 30 га сири уопсайа 2,5 км курдук күрүөлүү сылдьаллар. 36 га сиргэ саҥа 100 төбө киирэр аныгы тииптээх хотон, онтон салгыы инникитин эбии ыанньык тутар былааннаахтар.

 «Сунтаар улууhа (оройуона)» муниципальнай оройуон дьаһалтатын пресс – сулууспата.
+1
0
+1
0
+1
0
+1
0
+1
0
+1
0
+1
0