Быйыл Экология уонна Доруобуйa харыстабылын сылыгар анаан, Сунтаар улууһугар анал бырагыраамалар ылыныллыбыттара.
edersaas.ru, улуус пресс-сулууспата
Ол бырагыраамалартан сүрүн хайысхаларынан нэһилиэктэргэ ууну ыраастыыр станциялары туруорааһын уонна төрөөбүт-үөскээбит дойдубут дьоно-сэргэтэ доруобуйаларын көрдөрүнэллэригэр ыраах баран бириэмэлэрин сүтэрбэттэригэр уонна айаҥҥа ороскуотурбаттарын туһуттан улуус дьаһалтатын туруорсуутунан киин балыыһаҕа компьютернай томография тэрилин ылыахтара.
Сунтаар улууһун Аҕа баһылыга Анатолий Григорьев уонна киин балыыһа кылаабынай бырааһа Светлана Иванова «Сименс» хампаанньа бэрэстэбиитэллэрин кытары тэрили киин балыыһаҕа аҕалан, бэйэтин аналларын сөптөөхтүк толорорун ситиһэри хааччыйар технологическай ирдэбиллэр боппуруостарыгар көрсөн сүбэлэстилэр.
«Сименс» (Siemens) хампаанньа 1847 сыллаахтан электротехника, тырааныспар, сибээс, бырамыысыланнас салааларыгар тэриллэри, ону таһынан доруобуйа харыстабылыгар араас тиэхиньикэлэри оҥорон таһаарарынан биллэр. Арассыыйаҕа 1960 сылтан балыыһаларга саҥа технологияларга эппиэттиир хаачыстыбалаах рентген аппараттарынан, компьютернай томографияларынан уонна да.а. техникаларынан хааччыйар.
«Сунтаар улууhа (оройуона)» муниципальнай оройуон дьаһалтатын пресс – сулууспата.