«Сунтаар миигин ыҥырар» улуус күннэрин чэрчитинэн ыытыллыбыт быыстапкаҕа «Тирэх» тыа хаһаайыстыбатын потребительскай кооперативын салайааччы Антонина Барашкова оҥорон таһаарар бородууксуйатын маннык билиһиннэрдэ:
– Биһиги 2007 сылтан үлэлиибит. Бу сыллар тухары отону хомуйан, араас бородууксуйаны оҥоробут. Араас отону, үүнээйини нэһилиэнньэттэн тутабыт. Холобур, былырыын 22 туонна барыанньа араас көрүҥүн оҥорон нэһилиэнньэҕэ атыылаатыбыт. Бородууксуйабытын сүрүннээн Дьокуускай, Мииринэй, Бүлүү, Ньурба куораттарыгар уонна бэйэбит улууспутугар батарабыт. Мииринэйгэ атыылыыр туочукалаахпыт. Оттон Дьокуускайга араас маҕаһыыннары кытары кэпсэтэн, туттаран атыылаттарабыт. Ону сэргэ, бородууксуйабытын оҕо тэрилтэлэрэ хамаҕатык ылан туһаналлар.
Кырдьыга да, «Тирэх» барыанньаларын (малинатыгар тиийэ), сироптарын, утахтарын дьоҕус бытыылкалара куталлара олус табыгастаах эбит.
Надежда ЕГОРОВА, «Саха сирэ» хаһыат, edersaas.ru