Сунтаар оройуонугар тоҕо ыксаллаах балаһыанньаны биллэрдилэр?
Атын улуустарга ойуур уотун туһунан туох дииллэрий?
Ойууру баһаартан харыстааһыҥҥа өрөспүүбүлүкэ суһал ыстаабын сарсыардааҥҥы мунньаҕар Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников Сунтаар улууһугар ыксаллаах балаһыанньа эрэсиимин биллэрэргэ соруйда. Бу уоту умулларыыга эбии күүһү туһаныыны кытта сибээстээх.
Бүгүн Сунтаар улууһугар Хоро сэлиэнньэтиттэн 5 км тэйиччи ойуурга улахан уот бэлиэтэннэ. Түүн уоту хаптаттылар. Манна бары баар күүһү түмтүлэр. Салгыы умуллара сылдьаллар.
Өссө биир улахан уот Үөһээ Бүлүү улууһугар күүдэпчилэнэр. Манна утары уоту ыыттылар, олус буруолаах.
Томпо оройуонугар Хаандыга таһыгар турбут 15 №-дээх уоту умуллардылар. Ол эрээри оройуоҥҥа 21 №-дээх саҥа умайыы таҕыста. Манна Якутлесресурс уонна ойуур хаһаайстыбатын үлэһиттэрин умулларыыга ыыттылар. Балаһыанньа хайдаҕын үөһэнэн көтөн көрүөхтэрэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бэлэмнээтэ Женни Стрюкова
Хаартыска: тустаах саайтан