Сунтаар: Үлэ Дьоруойун сайылыгар

Ааптар: 
Бөлөххө киир:

Ыам ыйын 22 күнүгэр Кириэстээх нэһилиэгэр улуустааҕы Сайылык күнэ Үлэ Дьоруойа Владимир Африканович Михайлов үлэлии сылдьар «Кириэстээх» кооперативын Бордоҥ сайылыгар ыытылынна.

Манна 18 нэһилиэктэн 200-тэн тахса киһи ыалдьыттаата. Сунтаар улууһун Аҕа баһылыга Анатолий Григорьев улууспут олохтоохторун, тыа хаһаайыстыбатынан дьарыктанар хороҕор муостааҕы уонна сыспай сиэллээҕи иитэр туруу үлэһит дьону Сайылык күнүнэн, самаан сайын саҕаламмытынан эҕэрдэлээтэ уонна «Сунтаар улууһун тыа хаһаайыстыбатыгар кылаатын иһин» бочуотунай бэлиэлэри, улуус грамотатын, махтал суруктарын туттартаата. Владимир Африканович Михайловка уонна Владимир Семенович Егоровка  Саха АССР төрүттэммитэ 100-сыллаах үбүлүөйдээҕи бэлиэлэри уонна эҕэрдэ суруктары туттарда. Кэлбит ыалдьыттар истиҥ эҕэрдэлэрин тиэртилэр. Эбиэккэ  ис, ынах миинин истибит, алаадьы, кымыс амсайдыбыт. Ол кэннэ ыанньыксыт күрэһэ, эр дьоҥҥо уонна дьахталларга араас спортивнай оонньуулар тэрилиннилэр. Дьэ, бу курдук сэргэхтик сайыны көрүстүбүт.

Мария Кобельянова, Сунтаар

+1
0
+1
0
+1
0
+1
0
+1
0
+1
0
+1
0