Оҕо эбии дьарыктаах буоларын ситиһэргэ учууталлар, уһуйааччылар арааһы тобулаллар. Кириэстээх нэһилиэгэр «Саргы түһүлгэтэ» кулууп иһинэн мультипликация куруһуога үлэлиир.
Кириэстээх ыччаттара оҥорбут «Вдохновение» диэн мультиктара соторутааҕыта Космонавтика 60 сылын бэлиэтиир Бүтүн Россиятааҕы «Союзмульторто» диэн күрэскэ кылаан кыайыылаах буолан үөртэ. «Саргы түһүлгэтэ» култуура киинин иһинэн методист Анатолий Афанасьев «Мульипликация» диэн куруһуоктаах. Манна 11 оҕо нэдиэлэҕэ бээтинсэттэн ураты күннэргэ дьарыктанан мультиктары күн сиригэр көрдөрөллөр. Оҕолор бу куруһуок нөҥүө дизайныырга, хаартыска, видео оҥорорго үөрэнэллэрэ бэртээхэй. Инникитин эбии үп кытта киллэриэхтэрин сөп. Тохсунньуттан саҕаламмыт куруһуок диэтэххэ ситиһиилэрэ олус элбэх. Оҕолор бу дьарыкка анимацияҕа, фону уруһуйдуурга, тыаһы-ууһу оҥорууга, режиссураҕа бөлөҕүнэн арахсан үлэлииллэрэ сөхтөрдө. Билигин айар бөлөх немецкэй мультигы бэлэмниир, инникитин киинэ уһулар ыра санаалаахтар. Ситиһиилэри!
Мария Кобельянова