Сунтаар кэрэ кыргыттара аэробикаҕа күрэхтэһиэхтэрэ

Бөлөххө киир:

Саха сирин норуоттарын VIII  спортивнай оонньууларыгар ыраах Сунтаартан сүүстэн тахса киһилээх дэлэгээссийэ айаннаан  кэллилэр.  Сунтаар кэрэ кыргыттара аэробика күрэҕэр кыттаары билигин бэлэмнии үгэнигэр  сылдьаллар.

Аэробикаҕа сэттэ кыыһы аҕаллым. Икки кыыс устудьуоннар, онтон икки кыыс номнуо дипломнарын көмүскээт, Спортивнай оонньууларга кытта, улууспут чиэһин көмүскүү кэллиллэр. Биһиги бэҕэһээ  кэлбиппит. Уус Алдан  кыраныыссатыгар киириигэ олохтоохтор  наһаа истиҥник көрсүбүттэрэ. Алаадьынан, кымыһынан күндүлээтилэр, алгыс тылларын эттилэр.  Күрэхтэһиибит от ыйын 7 күнүгэр ыытыллыахтаах, — диэн кэпсээтэ хамаанда бэрэстэбиитэлэ  Айгуль Аширбекова.

Кыргыттар бириэмэлэрэ ыгым буолан, бары да ыксыы сылдьаллар. Сарсыарда чэйдээт, тута бэлэмнэнэ ыстаннылар.

Айгуль Аширбекова өрөспүүбүлүкэҕэ биллэр тириэньэр. Кини «Диаданс» успуорт-акробатика устуудьуйалаах. Кини үөрэппит оҕолоро Арассыыйа, өрөспүүбүлүкэ чөмпүйүөннэрэ, призердара. Айгуль  “Диаданс” успуорт-акробатика устуудьуйатын оҕо, эдэр сааһа ааспыт Сунтаарыгар үлэлии сылдьан хас да сыллааҕыта  тэрийбитэ.

edersaas.ru

+1
0
+1
0
+1
0
+1
0
+1
0
+1
0
+1
0