Сунтаар күнүн кыайыылаахтара

Бөлөххө киир:

Сунтаар улууһун  күнүн быйыл үһүс төгүлүн тэрийэбит. Күммүт эмиэ бэркэ туран,  «Үһүс ыһыаҕынан!», — диэччи элбэх буолла.

edersaas.ru, Мария Кобельянова 

Нэһилиэгинэн күргүөмүнэн хаамыы, тыа хаһаайыстыбатын дьаарбаҥкатын уонна көрдөөх күрэс, хаартыска түмүгэ маннык буолла: өрөгөйдөөх күҥҥэ парадынан киэргэтии күрэһигэр 1 миэстэ Бордоҥ нэһилиэгэ буолла. «Күһүҥҥү киһи күлбүтүнэн» тыа хаһаайыстыбатын дьаарбаҥкатыгар коза, сибиинньэ, чараппаахы, куобах, тыыннаах сыалыһар кытта баара сөхтөрдө. Уопсай түмүгүнэн 1 миэстэ Кириэстээх, 2 миэстэ Элгээйи, 3 миэстэ Кэмпэндээйи нэһилиэктэрэ буоллулар. Маны таһынан  анал ааттар: «Саамай улахан сүбүөкүлэ» — Уһун Күөлтэн Светлана Павлова, «Үрдүк үүнүү» — Куокуну агро хайысхалаах оскуола, «Саамай улахан моркуоп» — Толоон, «Саамай улахан хаппыыста» — Куокуну,  «Бастыҥ фотозона» — Уустуйа, «Бастыҥ агро оскуола»- Куокуну, «Саамай эдэр кыттааччы» — Уһун-Күөл, «Үрүҥ илгэ» — Күүкэй ТХПК «Уйгу», «Эмис убаһа» — Тойбохойтон Валентин Васильевич, «Эмис сибиинньэ» — Дьаархантан Василий Васильев, итиэннэ  «Туску» түөлбэ саамай кырдьаҕас кыттааччыга 83 саастаах Лариса Ефимовнаҕа анал бириис туруордулар. «Күһүн көҕө — Күһүн көрө» көхтөөх, көрдөөх күрэс кыайыылаахтара: кууллаах хортуосканы сүгүүгэ — Ефим Афанасьев (Кииннэммит балыыһа), хортуоска хомуйуу — Александра Павлова (Тойбохой), аһас күрэһин кыайыылааҕа — Ньургун Данилов (Сунтаар), сымыытынан бырахсыы Сардана Данилова (Кэмпэндээйи), сыттыгынан охсуһуу күрэһигэр — Нина Михайлова (Тойбохой). Сэттэ түһүмэхтээх күрэс түмүгүнэн 21 куул хортуосканы тойбохойдор илдьэ бардылар, иккис миэстэ Кэмпэндээйи, үһүс миэстэ Туойдаах нэһилиэктэрэ буоллулар. «Кэрэтиэн төрөөбүт улууһум» хаартысканан дьүһүйүүгэ 61 оҕо 117 хаартысканан кытынна: 1 миэстэ Алекс Васильев (Лиссиэй, 9 кыл.), 2 миэстэ Виолетта Григорьева (Хоро), 3 миэстэ Анастасия Андреева (Лиссиэй); кыра бөлөхтөргө: 1 миэстэ Ньургун Петров (СНОШ), 2 миэстэ Лиана Иванова (Түбэй Дьаархан), 3 миэстэ Саша Герасимов (Элгээйи).

Бу күн Василий Еремеев уонна Ыра Чаҕаан кэлэн үөрүүбүтүн үллэһиннилэр, ылбаҕай ырыанан маанылаатылар. Маны таһынан көхтөөх «Розовая пантера» маҕаһыын тэрийбит лотереята олус үчүгэйдик ааста.

Супер бириис — тыраахтыр хаһаайыттарынан  Петровтар  дьиэ кэргэн буоллулар. Эҕэрдэ! Сунтаар күнэ сырдатыллан, бигэргэнэн, бэлиэтэнэр буолбута — төрөөбүт дойдубут иннигэр бэриниилээх буоларга иитэр, улууспут олоҕун сырдатар, ыччакка билиһиннэрэр, кэрэни кэрэһэлиир үтүөкэн күн.

Мария Кобельянова, edersaas.ru

+1
0
+1
0
+1
0
+1
0
+1
0
+1
0
+1
0