Сунтаар динозаврдарын туһунан киинэни көрдөрүөхтэрэ...
Олох-дьаһах - ЭС - маны аах

Сунтаар динозаврдарын туһунан киинэни көрдөрүөхтэрэ

Үс сыллааҕыта  Сунтаар улууһугар «Мой личный дракон» диэн документальнай киинэни устуу саҕаламмыта. Бырайыак ааптарынан, режиссерынан   Петербург продюсера Мила Кудряшова буолар. Онон хас да сыллаах түбүктээх үлэ түмүктэнэн, Дьокуускайга ахсынньы саҕаланыыта биир нэдиэлэ устата бу киинэни киэҥ дьүүлгэ таһаарыахтара. Киинэ премьерата «Синема-центр» киинэ тыйаатырыгар ахсынньы 3 күнүгэр күнүс 14 чаастан буолара былааннаныллыбыт.

edersaas.ru
Киинэҕэ былыр олорон ааспыт кыыллар, Санкт-Петербурдааҕы судаарыстыбаннай университет дассыана Павел Скучас салайааччылаах Петербург итиэннэ Саха сирин чинчийээччилэрин, палеонтологтар бөлөхтөрүн  тустарынан кэпсэнэр. Киинэни үс сыл устата Сунтаар улууһун сиригэр-уотугар устубуттара.
Киинэ кылаабынай дьоруойа биологическай наука дуоктара Павел Скучас.
Маны таһынан бырайыак кыттыылаахтарынан Сунтаар олохтоохторо буоллулар. Хоро олохтоохторо 2012 сыллаахха геолого-минералогическай наука дуоктара, учуонай Петр Колосовка динозаврдар уҥуохтарын көрдүүр экспэдииссийэтигэр көмөлөспүттэрэ. Онон кини саҕалаабыт дьыалатын бүгүн палеонтологтар салҕааннар, Тээтэ үрэххэ былыргы кыыллар өлүктэрин көрдүүллэр. Кинилэр көмөлөрүнэн стегозаврдар,  завроподовтар, тероподовтар уҥуохтара булуллубута.
Бу хартыынаны «Динозавры вечной мерзлоты — 2020» бырайыак иитинэн устубуттар.
Саха сириттэн устар бөлөххө  оператор-постановщик Иван Семенов, компьютернай графика худуоһунньуга Николай Мочкин киирбиттэр.  Бырайыак партнердара: СӨ Култууратын уонна  духуобунай сайдыытын министиэристибэтэ, «Саха » НКИХ, Санкт-Петербурга баар Саха сирин бастайааннай бэрэстэбиитэлистибэтэ, «Мин устуоруйам» мусуой комплекса, Саха сирин норуоттарын  муусукатын уонна фольклорун мусуойа.

«Синема-центр» таһыгар Сунтаар улууһугар булуллубут стегозавр скульптуратын туруоруохтара.

edersaas.ru
1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

15 − один =