Сунтаар блогердара «Үтүө дьыаланы оҥор» куоталаһыыга хотоҥҥо үлэлээтилэр, кэнсиэртээтилэр

Куоталаһыы туһунан Мария Кобельянова маннык кэпсээтэ:

— Бастакынан бэйэбит үстүү сорудаҕы бэйэ-бэйэбитигэр биэрэн  толордубут. Ол кудук Михаил аҕам саастаах киһи атыыласпыт бородууктатын харчытын төлөөтө уонна  Уустуйаҕа хоруона хамсыгар хаайтаран олорор кырдьаҕас киһиэхэ кэнсиэр бэлэх уунна. Оттон мин «Татыйыына» маркетка «Үтүө санаа долбуура» тэрийэн, түмүллүбүт бородууктаны биэс элбэх оҕолоох, кырдьаҕас ыалларга түҥэттим. Иккис сорудахпар Дмитрий Николаев фермергэ тиийэн хотонугар көмөлөстүм. Үһүс сорудахпытын бэҕэһээ иккиэн бииргэ тэрийиэххэ диэн сүбэлэһэн, Коррекционнай оскуола  уолаттарыгар умнуллубат күнү бэлэхтээтибит. Бастаан уолаттар «Татыйык» кафеҕа бургер, фри, смузи аһаан астыннылар, ол кэннэ өрүскэ муус аннынан балыктаатыбыт. Сибиэһэй салгыҥҥа көрдөөх стартар тэрилиннилэр, сыал ыттылар. Ол кэннэ Кыыл Уолун киинигэр кэлэн Добун уораҕайы көрдүлэр-иһиттилэр уонна киинэ көрдүлэр. Тэрээһин түмүгэр «Корона» маҕаһыын минньигэс бэлэҕин кытары бэйэбит бу күҥҥэ хатаммыт хаартыскаларбытыттан тиһиллэн тахсыбыт халандаары бэлэх ууннубут. Оҕолор интернаттарыгар тиийэн: «Бэркэ сырыттыбыт, астык!», — диэбиттэрэ кынаттыыр. Түгэнинэн туһанан, «Татыйыына», «Корона» фирмаларга уонна култуурабыт тэрилтэлэрин үлэһиттэригэр барҕа махталбытын биллэрэбит. Салгыы Мишалыын сүбэлэһэн Сунтаарбыт блогердарыгар бу куоталаһыы салҕанарыгар ыҥырыы оҥоруохпут, — диэн иһитиннэрдэ.

Куоталаһыы түгэннэрин маннык киирэн көрүҥ: