Сунтаар оҕолоро улуус баһылыгын харыйатыгар муһуннулар

Ааптар: 
Бөлөххө киир:

Тохсунньу 14 күнүгэр, үтүө үгэс быһыытынан, улуус бары оскуолаларыттан уопсайа 120 өркөн өйдөөх, тобуллаҕас толкуйдаах оҕолорго анал наҕараадалар туттарылыннылар.

edersaas.ru

Улууспут Аҕа баһылыга Анатолий Григорьев киэн туттар кэнчээри кэскиллэрбитигэр тапталлаах төрөөбүт дойдубут аатын үрдүктүк ааттатар, үтүө дьон буолан үтүмэн үгүс ситиһиилэниҥ, чаҕылхай арыйыыланыҥ  диэн баҕаран туран, 2019 сыл түмүгүнэн улуус Аҕа баһылыгын гранын 30 оҕоҕо туттарда.

Олимпиадаларга, научнай-практическай конференцияларга үрдүк ситиһиилээх үөрэнээччилэргэ анал бэлэхтэри баһылыгы социальнай уонна имиджевэй бэлиитикэҕэ солбуйааччы Гаврил Еремеев 15 оҕоҕо туттарда.

Үөрэхтэригэр ситиһиилэрин иһин анал бэлэхтэри үөрэх управлениетын салайааччыта Альберт Иванов 16 оҕоҕо туттарда.
Ырыа ымыылаах, үҥкүү куттаах, талба талааннаах ситиһиилээх ыччаттарга анал бэлэхтэри култуура уонна духуобунай сайдыы управлениетын салайааччыта Мария Кобельянова 12 оҕоҕо туттарда.
Спортка үрдүк ситиһиилэрдээх бастыҥ үөрэнээччилэргэ анал бэлэхтэри спорт салаатын салайааччыта Семен Павлов 23 оҕоҕо туттарда.


Улуус араас таһымнаах общественнай олоҕор көхтөөхтүк кыттар, куруук инники күөҥҥэ сылдьар лидер үөрэнээччилэргэ анал бэлэхтэри ыччат бэлиитикэтин салаатын салайааччыта Евгений Данилов 24 оҕоҕо туттарда.

«Сунтаар улууһа (оройуона)» муниципальнай оройуон дьаһалтатын пресс-сулууспата

+1
0
+1
0
+1
0
+1
0
+1
0
+1
0
+1
0