Хой
Бу нэдиэлэ устата быһымах быһыыттан туттун. Соһуччу быһыы-майгы тахсыан сөп. Дьону кытта иирсибэккэ сылдьарыҥ наада. Төһө мындырдык олоҕу ылынаргыттан үгүс тутулуктаах.
Оҕус
Нэдиэлэ саҥа көрсүһүүлэри бэлэмниир. Урут утумнаахтык ылсан дьарыктана сылдьыбыт дьыалаҥ уруккутун курдук умсугуппат буолбутун бэлиэтии көрүөҥ. Бу нэдиэлэҕэ үгүһү былаанныыр наадата суох. Өр көрсүбэтэх дьоҥҥун көрсүөҥ, былааныҥ соһуччу уларыйыан сөп.
Игирэлэр
Бу нэдиэлэ үгүс умнуллубат түгэни бэлэхтиэҕэ. Тулалыыр дьоҥҥун кытта сыһыаныҥ тосту уларыйыан сөп. Саҥа билсиһиилэр ситиһиилээх буолуохтара.
Араак
Туох да саҥаны былааннаабат араактарга чуҥкук кэм үүммүт. Дьону кытта сыһыаҥҥа болҕомто уурарыҥ уолдьаспыт. Бэйэҥ эрэ эппиккин өрө тутан үчүгэйгэ тиийбэккин. Чугас дьоҥҥун кытта сыһыаҥҥын харыстаа.
Хахай
Бу нэдиэлэ быһаарыныылаах хардыылары оҥорорго тоҕоостоох. Эбии үлэттэн-соруктан сүрэҕэлдьээбэккэ ылыстаххына, элбэх ситиһии кэлиэҕэ. Саҕалаабыт дьыалаҕын тиһэҕэр тиэрдэргэ кыһан. Тус олоххунан эрэ үлүһүйүмэ.
Кыыс
Ыксаллаах быһаарыныыны ылынартан туттун. Эйигиттэн куота сатыыры күүскүнэн туппаккын уонна тохтоппоккун. Уларыйыылартан куттаныма. Буолар быһыыга-майгыга холку сыһыаныҥ көмөлөһүөҕэ.
Ыйааһын
Нэдиэлэ устата барыы-кэлии, дьыалабыай көрсүһүүлэр буолуохтара. Дьоҥҥо көмөлөһөртөн аккаастаныма. Ис санааҕар итэҕэй.
Скорпион
Болҕомтону ирдиир нэдиэлэ үүммүт. Ханнык эрэ соччото суох кистэлэҥи билэргэ күһэллиэҥ. Быһыы-майгы түргэнник уларыйарын күүтүмэ, ол кэриэтин тугу былааннаабыккын аа-дьуо ситиһэргэ кыһаллыҥ.
Охчут
Урукку сыыһалары көннөрөргө тоҕоостоох кэм. Тус санааҕыттан ылсыбыт дьыалаҥ ситиһиини аҕалыа. Саҥа саҕалааһыҥҥа үчүгэй кэм. Харса суох хамсанан ис.
Чубуку
Уруккуттан санаа ымыыта оҥостубут дьыалаҥ сатаныыһык. Уларыйартан, сайдартан куттаныма. Ол эрээри ыксаллаах быһаарыныы ылынартан туттун.
Күрүлгэн
Үчүгэй сонуннары истиэҥ. Ити сонуннар инникитин хайдах быһаарынаргар, дьыаланы-куолуну салайаргар көмөлөһүөхтэрэ. Нэдиэлэ саҥата соһуччу тэрээһин буолуоҕа. Инники былааннаргын торумнуургар туһалыан сөп.
Балыктар
Кытаанах майгыгын көрдөрөр кэмиҥ. Наар дьон эппитин хоту сылдьар уустук. Тулалыыр дьонтон өйөбүл кэлэрин күүтүмэ. Бары ыарахаттары кыайар кыахтааххар эрэн.