Ахсынньы ортото буолла. Дьон номнуо дьиэлэрин киэргэтэн саҕалаатылар. Биһиги саха эстрадатын «сулустара», блогердар, биллэр дьон дьиэлэрин хайдах киэргэппиттэрин таһаарабыт.
Фитнес-тренер Лена Постникова дьиэтин эмиэ номнуо киэргэппит. Сыл бэлиэтэ — сибиинньэни харыйа анныгар олордон кэбиспит.
Элбэх сиэннээх, аймахтардаах дьон Екатерина уонна Алексей Егоровтар дьиэлэрэ, тиэргэннэрэ олус тупсаҕай көрүҥнээх, ымпыгар-чымпыгар диэри киэркэйбит буолар. Ыал ийэтэ Екатерина Саҥа дьылы көрсө киэргэтэн саҕалаабыт.
Олимпия саҥа дьыллааҕы харыйатын аттыгар ойуулаах түннүк сабыытын ыйаабыт.
Кырачаан уол оҕолоох ырыаһыт Галя Виноград харыйатын нэдиэлэ анараа өттүгэр туруорбута.
Биллэр фотограф Кэрэли харыйатын оонньуурдарын бэйэтэ оҥорбут. Инстаграмыгар маастар-кылаас устан таһаарбыт.