Бэрээдэк

Судаарыстыбаннай өҥө порталын клон-саайтара баар буолбуттар

Судаарыстыбаннай өҥө (Госуслуга) порталын клон-саайтара баар буолбуттар диэн тустаах өҥөнү оҥорор тэрилтэ «Инстаграмыгар» суруллар.

Кинилэр соруктара биир – масыанньыктааһын диэн чорботон бэлиэтииллэр. Ол курдук, күн бүгүн gosusliga.ru, gosusluni.ru, уо.д.а. саайтары арыйталаабыттарын иһитиннэрэллэр. Масыанньыктар саайтарын икки соруктаах арыйаллар: бастакытынан, сымыйа QR-куодтары атыылаан харчы киллэринээри итиэннэ дьон докумуонугар (персональные данные) киирээри эбэтэр туһанар тэриллэригэр вируһу ыытаары.

“Онон сибээстээн нэһилиэнньэни сэрэхтээх буоларга ыҥырабыт. СМСнан эбэтэр буочтанан кэлбит билбэт сигэҕитигэр (ссылка) кииримэҥ,  дааннайдаргытын (персональные данные) интэриниэтинэн тарҕатымаҥ. Биһиги e-yakutia.ru  портал соҕотох официальнай аккауна @gosuslugi_14 буолар. Бүгүҥҥүтэ Судаарыстыбаннай өҥө (Госуслуги) федеральнай портала суох, эрэгийиэннээҕи аккауннар эрэ бааллар”, — диэн ыйбыттар.

Биһиги e-yakutia.ru портал туһунан 8-800-100-7788 босхо быһа нүөмэринэн, Судаарыстыбаннай өҥө (Госуслуга) федеральнай портал тиэхиньиическэй өйөбүлүн 115 нүөмэриттэн ыйыталаһыаххытын сөп.

“Саха сирэ” хаһыат, edersaas.ru

0
0