2021 сылга култуура эйгэтигэр судаарыстыбаннай наҕараадалары ылбыттар ортолоругар Былатыан Ойуунускай аатынан Саха тыйаатырын артыыстара бааллар.
Ол курдук, СӨ Ил Дархана Айсен Николаев Ыйааҕынан, култуура уонна ускуустуба салаатыгар өҥөтүн, өрөспүүбүлүкэ социальнай-экэнэмиичэскэй сайдыытыгар кылаатын, өр сыллаах айар үлэтин иһин «Саха Өрөспүүбүлүкэтин үтүөлээх артыыһа» бочуоттаах аат Саха тыйаатырын артыыһа Геннадий Николаевич Турантаевка иҥэрилиннэ.
Саха академическай тыйаатырын артыыһа, СӨ үтүөлээх артыыһа Куприян Васильевич Михайлов «Гражданскай килбиэн» бэлиэнэн наҕараадаланна.
Үрдүк наҕараадалары СӨ култуураҕа уонна духуобунай сайдыыга миниистирэ Юрий Куприянов үөрүүлээх быһыыга-майгыга туттарда.
Надежда ЕГОРОВА, «Саха сирэ», edersaas.ru