Судаарыстыбаннай өҥөлөрү оҥоруу хаачыстыбата тупсуоҕа

Бөлөххө киир:

Саха сирэ судаарыстыбаннай өҥөлөрү сыыппараҕа көһөрүүгэ Арассыыйа үрдүнэн 25 миэстэҕэ иһэр. Билигин аны өҥөлөрү биэрии ахсаанын элбэтии эрэ буолбакка, өҥөнү оҥоруу хаачыстыбатын тупсарыы соруга турар. Бу туһунан бүгүн Ил Дархан Айсен Николаев цифровой эйгэни сайыннарыы мунньаҕар иһитиннэрдэ.

Кини этэринэн, “Цифровой трансформация” национальнай бырайыагынан социальнай өҥөлөрү сыыппараҕа көһөрүү дойду үрдүнэн 95 % буолуохтаах. Билигин Саха сиригэр 77 өҥө сыыппараҕа көһөн турар. Бу кэлиҥҥи уларыйыынан бултуур билиэти биэрии уонна төннөрүү бэс ыйыттан электроннай өҥөҕө көһүөхтээх.

– Биһиги өрөспүүбүлүкэбит судаарыстыбаннай өҥөлөрү сыыппараҕа көһөрүүнү улгумнук ыытан иһэр. Арассыыйаҕа ити чааһынан 25 миэстэҕэ иһэбит. Билигин аны өҥөлөрү оҥоруу хаачыстыбатыгар болҕомтону ууруохпутун наада, – диэн бэлиэтиир Айсен Сергеевич мунньах кэмигэр.

Ону таһынан Ил Дархан судаарыстыбаннай былаас уорганнарыгар информационнай куттал суох буолуутун хааччыйыы бастакы уочарат барыахтааҕын эттэ.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0