Судаарыстыбаннай Дуума дьокутааттара Уһук Илини уонна Арктиканы сайыннарыы хайысхаларын быһаарыстылар

Бу күннэргэ  СӨ Бырабыыталыстыбатын  Өрөспүүбүлүкэ саалатыгар  РФ Судаарыстыбаннай Дууматын  Уһук Илини уона Арктиканы сайыннарыыга кэмитиэтэ кыттыылаах «төгүрүк остуол» буолан ааста. 

Тэрээһиҥҥэ  РФ Судаарыстыбаннай Дууматын  Уһук Илини уонна Арктиканы сайыннарыыга кэмитиэтин бэрэссэдээтэлин 1-кы солбуйааччы Сергей Каргинов, РФ Судаарыстыбаннай Дууматын  Уһук Илини уонна Арктиканы сайыннарыыга кэмитиэтин бэрэссэдээтэлин  солбуйааччы Валентина Пивненко, РФ Уһук Илини, уонна Арктиканы сайыннарыыга миниистирин солбуйааччы, статс-сэкирэтээр Павел Волков, РФ айылҕа ресурсаларыгар уонна экологияҕа миниистирэ Александр Козлов, Ейрейдээҕи автономнай уобалас Сокуону оҥорууга мунньаҕын спикерэ Роман Бойко уонна Ил Дархан Айсен Николаев,  Ил Түмэн бэрэссэдээтэлэ  Алексей Еремеев,  миниистирдэр, дьокутааттар кытыннылар.

РФ Судаарыстыбаннай Дууматын дьокутааттара Уһук Илини уонна Арктиканы социальнай-экэнэмиичэскэй өттүнэн сайыннарыыга аналлаах сокуоннары саҥардан оҥоруу боппуруостарын көрдүлэр, быһаарыстылар.

Ил Дархан Айсен Николаев Судаарыстыбаннай Дуума Уһук Илини уонна Арктиканы сайыннарыыга кэмитиэтэ тустаах мунньаҕы Саха сиригэр тэрийэр туһунан быһаарыыны ылыммытыгар махтал тылларын эттэ. Кини Саха сирэ бүгүҥҥү күҥҥэ дойду үрдүнэн стратегическай суолталаах сүрүн эрэгийиэн буоларын туһунан санаатын үллэһиннэ.