Быыбар киин хамыыһыйатын дааннайынан, барыллаан түмүгүнэн, Судаарыстыбаннай Дуума быыбарыгар Саха сиригэр “КПРФ” баартыйа бастаан иһэр.
Өрөспүүбүлүкэ үрдүнэн, “КПРФ” – 35,15%, “Биир ньыгыл Арассыыйа” – 33,22%, “Новые люди” – 9,87%, “Сиэрдээх Арассыыйа “– 8,19%, “ЛДПР” – 5,14% ылан иһэллэр.
Биир мандааттаах быыбардыыр уокурукка Саха сирин дьоно Петр Аммосовка (“КПРФ”) – 21,61%, Петр Черкашиҥҥа (“Биир ньыгыл Арассыыйа”) – 20,07%, Федот Тумусовка (“Сиэрдээх Арассыыйа”) – 19,55%, Василий Николаевка (“Новые люди”) – 15,52%, Егор Жирковка (“Зеленые”) – 6,27 % куоластарын биэрбиттэр.
Барыллаан түмүгү Быыбар киин хамыыһыйатын сайтыгар http://www.yakut.izbirkom.ru/ көрүөххүтүн сөп. Уопсай түмүгү Быыбар киин хамыыһыйата күнүс 12 чааска иһитиннэриэҕэ.
Аграфена КУЗЬМИНА.