Судаарыстыбаннай Дуумаҕа элбэх оҕолоох ыаллары көмүскээһиҥҥэ көннөрүүлэри бэлэмнээһиҥҥэ үлэни саҕалаатылар
Судаарыстыбаннай Дуумаҕа элбэх оҕолоох ыаллар бырааптарын араҥаччылааһын эйгэтигэр сокуоннаска уларыйыылары бэлэмнээһиҥҥэ оробуочай бөлөх тэрилиннэ. Бу үлэни аллараа палаата вице-спикерэ Петр Толстой салайыаҕа. Оробуочай бөлөх Бэрэсидьиэн РФ Федеральнай Мунньаҕар Анал этиитин балаһыанньаларын хааччыйыынан дьарыктаныаҕа, диэн ТАСС-ка дьокутаат пресс-сулууспата иһитиннэрэр.
Толстой этэринэн, бу нэдиэлэ бүтүүтэ фракциялар этиилэрин киллэриэхтэрэ.
“Демография кириисиһиттэн кэлимсэ миэрэлэр көмөлөрүнэн тахсар кыахтаахпыт, олору дойду баһылыга ыйбыта. Манна эдэр ыаллары өйөөһүн, хат дьахталларга төлөбүрдэр, кыра дохуоттаах оҕолоох ыаллары өйөөһүн туһунан этиллэр. Ону сэргэ ийэ хапытаалын туһаныы ньыматын тупсарыахтаахпыт уонна ипэтиэкэ кирэдьиитигэр элбэх оҕолоох ыаллар ноҕоруускаларын аччатыахтаахпыт”, — диэн Петр Толстой бэлиэтээтэ.