Судаарыстыбаннай бырагыраамалар — сүрүн хонтуруолга

Ааптар: 
Бөлөххө киир:

Ил Дархан Айсен Николаев бүгүн куйаар ситиминэн бырабыыталыстыба планеркатын ыытта.

Онно Аҕа баһылык эрэгийиэн национальнай бырайыактарга,  федеральнай судаарыстыбаннай бырагыраамаларга кыттыытын уонна эпидемиологическай балаһыанньаны ырытта, сорудахтары биэрдэ.

Айсен Николаев ааспыт нэдиэлэҕэ РФ Бырабыыталыстыбатын Бэрэссэдээтэлин солбуйааччы — Уһук Илин уокурукка Бэрэсидьиэн боломуочунайа Юрий Трутнев уокурукка авиахампаанньа сайдыытыгар сыһыаннаах мунньаҕы ыыппытын иһитиннэрдэ.  Онно сөмөлүөттэри саҥардыыга боппуруос көрүллүбүтүн бэлиэтээтэ. Манан сибээстээн, эрэгийиэннээҕи бырабыыталыстыба  «Аврора» авиахампаанньаны кытта «Якутия» хампаанньаҕа сыһыаннаан кэпсэтии ыытыаҕа.

«Восточнай полигон» тимир суолу саҥардыы боппуруоһун РФ Бырабыыталыстыбатын вице-премьерэ Марат Хуснуллин ыыппыт мунньаҕар көрдүлэр. Бу үлэ үһүс түһүмэҕин түмүгэр  Саха сирин чоҕун өрөспүүбүлүкэ таһыгар тиэйии биллэ тэтимириэҕэ.  Онон бу инвестиция хамсааһыныгар сыһыаннаах боппуруос эрэгийэн бырабыыталыстыбатын улахан болҕомтотун эрэйэр.

Елена ПОТОЦКАЯ, “Саха сирэ” хаһыат, edersaas.ru

 

Хаартыска — Андрей Сорокин.

+1
0
+1
0
+1
0
+1
0
+1
0
+1
0
+1
0