М.К. Аммосов аатынан Хотугулуу-Илиҥҥи федеральнай университет историяҕа, обществознаниеҕа уонна политологияҕа кафедратын старшай преподавателэ Петр Софронов Төрүт Сокуоҥҥа уларытыылары киллэрии туһунан санаатын үллэстэр:
— Арассыыйа Төрүт Сокуонугар уларытыылары киллэриигэ икки түгэни бэлиэтиэхпин сөп. Бастакытынан, байыаннай эрэ чаастар сирдэрэ-уоттара, маллара-саллара, сэриилэрин сэбэ федеральнай сиргэ-уокка быһалыы киирэр кыахтаахтар. Холобура, Тиксии (Булуҥ), муораҕа баар арыылар, пограничнай чаастар. Төрүт Сокуоҥҥа киирэр уларытыы Арассыыйа национальнай куттала суох буолуутун бөҕөргөтүөҕэ. Ол иитинэн, холобур, Булуҥҥа социальнай-экэнэмиичэскэй инфраструктурата сайдыылаах чопчу территория буола үөскүөн сөп. Сир баайа хостонор, чинчийиллибит сирэ федеральнай буолуо суоҕа, ол баайдаах сирдэр билиҥҥи туругунан эрэгийиэннэр баар-суох эрэллээх нолуок төлөөччүлэрэ, социальнай-экэнэмиичэскэй сайдыыларын мэктиэтинэн буолаллар. Онон быhалыы федеральнай сир-уот буолар кыахтара суох, ол чааhын федеральнай сокуоннар чопчу быhааран тураллар.
Людмила ПОПОВА, “Саха сирэ” хаһыат, edersaas.ru