Бүгүн Аллараа Бэстээххэ «Якутлесресурс» базатыгар Арассыыйа Федерациятын судаарыстыбаннай резербэтин тиэхиньикэтэ: икки уу баһар массыына уонна биир кыраан кэллэ.
edersaas.ru
Бу туһунан Бырабыыталыстыба бэрэссэдээтэлэ Андрей Тарасенко иһитиннэрдэ. «Росрезербэни кытары 29 тиэхиньикэҕэ сөбүлэҥ түһэрсиллибитэ, ол иһигэр экскаватордар, бульдозердар бааллар», – диэн премьер Инстаграмҥа суруйда. Бу иннинэ Росрезерв Сибиирдээҕи, Уһук Илиннээҕи уонна Киин федеральнай уокурукка баар кэмбинээттэриттэн массыыналар уонна «КамАЗ» кыраан кэлбитэ.
Айсен Николаев ойуур баһаардарынан сибээстээн этиитинэн, Арассыыйа Федерациятын судаарыстыбаннай резербэтиттэн «Урал», «КамАЗ» бодобуостар, бульдозердар, экскаватордар уонна көһө сылдьар компрессордар аҕалыллыбыттара диэн Ил Дархан уонна Бырабыыталыстыба пресс-сулууспата иһитиннэрэр.
Раиса Сибирякова, «Саха сирэ» хаһыат, edersaas.ru