Бу субуотаҕа, ол эбэтэр атырдьах ыйын 30 күнүгэр, Тыа хаһаайыстыбатын министиэристибэтин дьиэтин тиэргэнигэр киин куорат олохтоохторугар анаан “Өрөбүл күн дьаарбаҥката” диэн бэртээхэй дьаһал тэриллиэҕэ.
edersaas.ru.
Ол курдук, астыыр-таҥастыыр эйгэҕэ үлэлиир хампаанньалар,чугастааҕы улуустар кэпэрэтииптэрэ уонна бааһынай хаһаайыстыбалара сибиэһэй үрүҥ аһы, эти, балыгы уонна оҕуруот аһын аҕалан толору тардан кэбиһиэхтэрэ. Дьон үөрүүтүн үрдэтэн, сүүйүүлээх лотерея билиэттэрэ тарҕатыллыахтара. Олор балаҕан ыйын 29 күнүгэр ыытыллар “Ас-үөл — 2019” диэн тыа хаһаайыстыбатын бородууксуйатын өрөспүүбүлүкэтээҕи быыстапка-дьаарбаҥкатыгар оонньонуохтара. Тэрийээччилэр кистэлэҥинэн этэллэринэн, сүрүн бириискэ убаһа этэ уо.д.а. баар үһү.
Маннык дьаарбаҥкалар балаҕан ыйыгар хас субуота ахсын, ол эбэтэр балаҕан ыйын 7, 14 уонна 21 күннэригэр эмиэ тэриллиэхтэрэ.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1