Муус устар 9 күнүттэн хас субуота аайы Дьокуускай куораттааҕы Мэдиссиинэ киинигэр сыһыарыллыбыт куорат олохтоохторо «100 дней медосмотров» аахсыйа чэрчитинэн доруобуйаларын быраастарга көрдөрөр кыахтаннылар.
edersaas.ru
Cарсын, муус устар 23 күнүгэр, 9-12 чааска диэри Кальвица уул. 3 нүөмэригэр баар поликлиникаҕа эндокринолог, травматолог-быраастар көрүөхтэрэ. Ону таһынан 8-14 чч. диэри рентген, ЭКГ, УЗИ уонна ФЛГ-чинчийиилэри оҥорторуохха сөп.
Оҕолор уролог-хирурга көрдөрүөхтэрэ (202 мкр, к.2).
Ону таһынан 202 микрооройуоҥҥа Доруобуйа уонна дьиэ кэргэн харыстабылын киинигэр смотровой кэбиниэт акушерката, Жатайдааҕы поликлиникаҕа УЗИ кэбиниэтэ үлэлиэҕэ, Тулагы учаастактааҕы балыыһатыгар эндокринолог уонна кардиолог быраастар эһигини күүтэллэр.
Аахсыйа кыттан, доруобуйаны бэрэбиэркэлэтэргэ эрдэттэн ->1->4), 508-805 суруйтарыллар. Бэйэҕитин кытары пааспаргытын уонна БМС полиһын илдьэ кэлиҥ.
Маннык туһалаах аахсыйа Дьокуускай куораттааҕы Мэдиссиинэ киинигэр быйылгы үбүлүөйдээх сылы быһа ыытыллыаҕа.
Ханнык быраастар көрөллөрүн уонна мэдиссиинискэй чинчийиилэр оҥоһуллалларын туһунан иһитиннэриини Мэдиссиинэ киинин саайтыгар эбэтэр социальнай ситимнэртэн билсиэххэ сөп.
Надежда ЕГОРОВА, «Саха сирэ» хаһыат, edersaas.ru