Өйүүн, балаҕан ыйын 18 күнүгэр, 16:15 чаастан «Бастакы» ханаалга «Кто хочет стать миллионером?» биэриигэ биир дойдулаахтарбыт кыттыахтара.
Ол курдук, Горнай улууһун Бэс Күөлүн олохтооҕо Мария Сергеева уонна Кэбээйи улууһун Сангаар олохтооҕо Екатерина Петрова биэрии кылаабынай бирииһин иһин күөн көрсүүгэ киирсиэхтэрэ. Екатерина Петрова Бэс Күөлүттэн төрүттээх буолан, аймахтарыгар оҕолорун өрүү ыытан сынньатар. Быйыл ойуур баһаарыгар дьахталлар иккиэннэрин дьиэлэрэ умайбыта.
Екатеринаны уонна Марияны чугас аймахтара “Сахамедиа” пресс-киинтэн куйаар ситимин нөҥүө өйөөбүттэрэ көстүөҕэ.
Елена ПОТОЦКАЯ, “Саха сирэ” хаһыат, edersaas.ru
+1
+1
+1
+1
+1
+1
+1