Тыа хаһаайыстыбатын министиэристибэтэ субсидияны ылааччылары талыыны быстах кэмҥэ тохтотто
Тыа хаһаайыстыбатын министиэристибэтигэр үүт уонна эт хайысхалаах сүөһүлэри иитиигэ идэтийэр хаһаайыстыбаларга усулуобуйаны тэрийиигэ ороскуот сорох чааһын толуйууга көрүллэр субсидияны ылааччылары талыы быстах кэмҥэ тохтотулунна.
edersaas.ru
Саха Өрөспүүбүлүкэтин Ил Дархана Айсен Николаев 2020 сыл кулун тутар 30 күнүгэр таһаарбыт «Саха Өрөспүүбүлүкэтин Ил Дарханын 2020 сыл кулун тутар 17 күнүнээҕи «Саха Өрөспүүбүлүкэтин сиригэр-уотугар муҥутуур бэлэмнээх буолуу эрэсиимин киллэрии итиэннэ коронавирус (COVID-19) саҥа дьаҥа тарҕаныытын ураты охсуһуу миэрэлэрин туһунан» 1055 №-дээх Ыйааҕар уларытыылары киллэрии туһунан» 1082 №-дээх ыйааҕар олоҕуран, үүт уонна эт хайысхалаах сүөһүлэри иитиигэ идэтийэр хаһаайыстыбаларга усулуобуйаны тэрийиигэ ороскуот сорох чааһын толуйууга көрүллэр субсидияны ылааччылары талыы бу дьыл муус устар 6 күнүгэр диэри тохтотулунна. Ол туһунан бирикээскэ миниистир Александр Атласов бүгүн илии баттаата.
Раиса Сибирякова, «Саха сирэ» хаһыат, edersaas.ru